滔滔甜品 (已結業)

平時芝麻糊，核桃糊，杏仁糊就見得多，第一次見到有椰子糊，椰子迷當然要試下🤣🤣.🥥🥥椰子糊 $32好味度：⭐️⭐️⭐️$24....加$8 芋圓。。加了芋圓真的會比較好，因為多了個口感，食落無咁dry...因為椰子糊的味道同口感，像椰汁打了個芡汁🤣🤣試過一次就好了😂😂.田中草feat 珍奶 $36好味度：⭐️⭐️⭐️個底是珍奶。。整個的感覺，珍奶+仙草+華田粉～個人覺得一般，又係一次便可😂😂.大概因為新奇，就多人買同試，好味與否，個人口味吧🤣🙈🙈.見佢果邊都有好多新奇，同舊式糖水。。

頭先食完飯去買糖水做宵夜，叫咗(熱)腐竹馬蹄清心丸同(凍)芒果西米露，返到屋企打開準備食嘅時候發現大失所望。首先櫃檯嘅兩位年青店員顧住傾偈唔專心，明明我哋企喺門口等，包好咗就成堆外賣擺響度，你唔走去問佢哋都唔會講係咪你嘅。😑拎到返屋企發現碗腐竹馬蹄清心丸係完全係由雪櫃攞出嚟嗰種，即係完全冇翻熱過。之後，用匙羹撈咗兩下發現冇咗清心丸！😥 點呀… 希望老闆可以好好同店員傾吓，如果唔係咁樣倒米，真係會走咗好多客。

滔滔甜品位置易找，康樂路小巴站旁邊，店舖裝修主要係懷舊風格但坐位很少，我一同四人叫了三樣甜品。1.西瓜西米露2.三元豆花3.冰烤紫薯雪糕列（紫玉圓愛玉）“西瓜西米露”賣相正常，西瓜也很多粒但溫度可以再凍多少少，西瓜甜度都可以，西米露有棷汁味很好吃“三元豆花”有豆腐花、芋圓、地圓瓜、點黑糖珍珠和紫薯西米配雪糕，我覺得除了紫薯西米味道偏淡外其餘的咬下去很有口感“紫玉園愛玉”有黑糖水晶、蜜桃、芋圓和雪糕首先黑糖水晶原來係啫喱，要和雪糕混在一起超好吃，另外蜜桃要最先吃，不然會覺得有點酸，芋圓唔駛講很煙韌有口感總括來說這店的甜品是不容置疑，但吃完就要離開，不然會阻礙做生意。

滔滔甜品有3間分店，這間只做外賣，店舖裝修都幾特別，牆上掛有懷舊信箱。之前來過幾次，甜品味道還不錯，這次嘗試兩個甜品。椰汁西米配包心芋圓 $33西米露有香濃椰汁味，甜味適中。包心芋圓有多種顏色，口感煙韌，但味道一樣，食不出不同顏色的芋圓有什麼分別。黑糖薑茶配包心芋圓 $33糖度適中，不太甜，不過薑味唔夠，加了$9要一份清心丸，口感同樣煙韌好特別。提外話：芋圓和清心丸放進雪櫃後會變得好硬，所以一定要即食。

秘製椰子糊只係行過見到,佢話每個月可以買到幾多百碗。我就是一試佢加埋芋丸同埋蕃薯丸。攞返屋企慢慢食「杰杰」的椰子糊,用匙羹滔起上嚟很厚身,沒有顆粒感。芋圓蕃薯圓總共有十粒。第一啖入口幼滑,唔係「鞋」,有濃郁椰子肉味。又幾好味喎。兩種丸都有應該有的味道,不是只係一粒粉團。又不是細粒的那一款,口感煙韌。椰子通常成為椰奶伴著糖水食,今次椰子是主角,讚！下次行過都買碗食

份量首先唔大碗，等外賣等咗三個字左右。服務態度都一般～買咗蛋白杏仁茶加芋圓，首先冇杏仁味，完全就係米糊加糖漿！杰撻撻一Pat野，蛋白又唔似蛋白，唔知自己食緊乜，得個甜字！芋圓又唔多，差不多一蚊一粒！連啲清心丸都好難食，得個甜字！另外另一半嗌咗清心丸紫米露，清心丸同樣唔好食，加埋椰奶但係成碗紫米露好甜！都係唔好食難食到食幾啖放棄咗！第一次覺得食糖水，唔知自己食緊乜！同埋整體來講死甜！永遠Blacklist！

係附近經過，得一間甜水舖，呢間得外賣，叫咗個西瓜仙草$28黎食，諗住基本野應該實無死啦。西瓜切咗粒，都有大約12粒左右嘅，味道正正常常，但仙草個味怪怪地個陣怪形容唔到，同平時食嘅唔一樣。

椰子糊係元朗滔滔甜品獨有嘅糖水，即使放眼全香港，都未必有糖水舖會做呢款咁獨特嘅糖水。有幸行到滔滔有賣椰子糊嘅分店，就試吓先！呢款椰子糊價錢唔貴，先22蚊，但係就份量多，一大碗潔白嘅顏色，都好吸引！食入口唔算太甜，有好濃嘅椰子香，而且係好自然嘅椰子香！好似食緊個椰子咁。椰子糊質地好濃稠，完全唔會好好稀，呢種質地好明顯真係真材實料先做到。所以真係好高質嘅椰子糊啊！不過呢間滔滔專做外賣，即使要堂食，都要過隔離舖，所以就用即棄餐具。

▪️仙草紫草園$39 私心推薦⭐️芋圓愛好者表示佢啲芋圓Q彈😝黑糖水晶好爽口 有口感令成碗甜品有濃濃既黑糖味😍紅豆亦粒粒飽滿雪糕球可以揀玄米茶味/雲尼拿識食一定揀茶味中和返 唔會太甜▪️芒果椰汁西米露$30椰汁味濃 西米軟硬適中唯一挑剔係 芒 果 極 酸！！平時都算食到酸野…佢啲芒果雖然都幾多粒🥭但入口酸到眼都矇埋 標眼水🥲想放棄唔食 最後夾硬食晒佢🥺鋪頭面積偏細 好多人選擇買外賣入面既裝修都有特色甜品種類都算多西環值得一試既甜品鋪！

大家知唔知清心丸係咩黎架呢😄 清心丸係潮州糖水的主要材料，以城鵝粉、江西薯粉或番薯粉搓成小丸子，煮熟後色澤清瑩，口感超煙韌😀 相信中意QQ口感既你一定中意😃🍧 腐竹馬蹄清心丸 $29而家好少糖水鋪可以食到清心丸🥲難得滔滔甜品有，而且食過佢既清心丸既人都話好值得推介👍🏼👍🏼我就試下呢個必食既item啦😍夏日炎炎我都叫左個凍黎食下😄腐竹馬蹄凍食本身已經好清涼，再加埋清心丸既煙韌，真係絕配😄唔好睇碗糖水好似好少咁，佢都比得好多粒清心丸下，食完都止晒口癮架啦😊大家快啲去試下啦😄😄

蛋白杏仁茶湯丸幾個月前食過ok 既。今次foodpanda外賣叫丫。下，點解啲蛋白完全唔似蛋，似紙巾呀。同埋杏仁茶勁膠，凝固杰他他咁。好驚喎。另一碗係腐竹馬蹄露都係冇味道，同樣呈現固態狀粉溝到杰嗰種糊仔feel.咁上網想搵個電話打去問咩事啦。冇電話架喎。Fb 都del埋。成間鋪好伏喎。唔知自己食緊咩。仲真係懷疑食緊紙巾喎。好想搵個店員問下跟進下但竟然連基本聯絡電話都收收埋埋。唯有倒左碗野。上黎寫個食評警剔世人。

元朗出名多黃店，梗係要search定有咩好食，見好多人介紹呢間甜品，加上冬天就會好想食啲熱嘅中式糖水，但小編揾咗好耐路😢舖頭裝修有別於一般糖水舖，比較懷舊復古一啲😝原來呢一間同合成一樣，都係主打潮州糖水，姐係一定有清心丸🥰.🥄腐竹馬蹄清心丸 (熱)暖笠笠好正，有種好養生嘅感覺🥰啲清心丸多到嚇親，多到食唔曬😝糖水好清甜，會感受到佢哋嘅誠意，唔係齋用糖漿，而係用真材實料比客人食到原材料嘅味道😆馬蹄好爽好正，令口感更加豐富🧸.🥄包心芋圓西米露一開始揀呢一間黎食最主要原因係俾佢嘅包心芋圓吸引住😝講真價錢真係算好抵，起碼五六粒大大粒嘅芋圓都係廿幾蚊，一啲食個豆腐花都三十幾蚊啦😃但其實味道就一般般，唔太食到芋圓陣味，粉比較多，不過起碼可以過下口癮😗.🍽味道: 3/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

豆花既配料有地瓜芋圓 紫薯西米 黑糖珍珠同雲呢拿雪糕(๑´ㅂ`๑)好豐富好滿足 夾埋一齊食好好味 鍾意chewy野既必食!另外桃膠腐竹馬蹄露料多 又唔太甜 yummmyyy

滔滔甜品除咗係黃店之一各式甜品都超好味經常排長龍我都係常客之一今次就食咗木瓜桃膠糖水超級滋潤之餘又有養顏功效另外都試咗椰汁紫米露糖水真材實料又唔會過甜味道超好超值得一試

同屋企人叫外賣，是日試試好多人讚好的滔滔，其實幾年前食過舊店確實唔錯，新店就未試過，主打外賣，成日覺得外賣糖水好危險（？），今日試完佢外賣速遞改觀左，送到黎啲雪糕都唔算好瀜喎。點左三款，記得有選不要餐具，但都係有比匙羹嘅。屋企人點嘅紫米露配清心丸，紫米煙煙韌韌有咬口，清心丸很爽口，有啲大菜糕嘅感覺，其實咩係清心丸？另一份係紫草園，黑糖水晶爽口，芋圓有咬口，紅豆甜蜜蜜，仙草滑滑的，主角係中間的紫薯雪糕，濃濃的紫薯味仲有粒粒薯肉，特別又好味。自己點左叁元豆花，豆花好香豆味又勁滑，揀左要雲呢拿雪糕，甜甜地夠香口，同豆花很夾。另外仲有芋圓珍珠同西米，三樣都係煙煙韌韌有咬口，其中西米很特別，是紫薯西米來的，透明紫色好靚呢，要煮到一粒粒唔爛都有技巧㗎，呢度做得好。外賣速遞價比起堂食貴少少，加埋運費都可接受。