Chatterbox Café (K11 Musea)

营业中

休息中

夏日炎炎，因為飲得凍野多，中女為左養生，都要用食療調理下身體慕名黎食呢個白胡椒肉骨茶，個湯夠熱，配埋重味既白胡椒，飲到暖胃好舒服，停唔到口，出左身汗幾舒服 排骨大舊又好腍。另外食埋呢度出名既海南雞飯，欣賞佢個油飯夠爽身唔會太膩，雞既處理好好，唔會有陣雞既蘇味，肉質夠爽，淨係點浸住既豉油已經好好味，紅色辣醬層次豐富，有驚喜大家留意下個清湯入面既生菜絲又係超好味，又係另一個驚喜，成個湯平衡左雞既膩感。老人家鍾意食雞，特登加10蚊改雞脾肉比佢，味道同普通版差唔多，但就夠哂啖啖肉，正！老人家食得好開心試埋個海鮮炒貴刁，造法比較中式，夠鑊氣，若果用東南亞個種炒法應該味道仲濃郁。最後仲叫左個炸豆腐同串燒(忘記左影相...)炸豆腐內軟外脆，配埋既特制醬汁真係一流，我見夜晚8點已經賣哂，大家要試既就趁早。串燒都係配同一個特制醬汁，不過串燒唔點醬都已經好好味（唔知係咪炭爐燒呢）。大家可以將肉骨茶既油炸鬼點呢個特制醬汁，仲好食過點肉骨茶。