湯底我哋揀咗山野無花果滋潤湯鍋，味道清甜，帶有無花果嘅天然香氣，飲落好滋潤，完全唔會覺得膩，簡直係驚喜！配上主角滿山跑雞，效果更加出眾👍🏻 呢款雞肉係任食，切成細條，超新鮮，只需喺湯底燙18秒就食得😍 咬落去，肉質嫩滑、脆口又彈牙，完全唔柴，食得多都唔會覺得重口，點醬汁更加惹味！雞翼同雞腳就用來煲湯，滾一陣後，湯底滲出雞嘅鮮味，變得更加濃郁🤩
鮮鮑魚（2隻+$36）雖然要加錢，但質素好高，爽口彈牙。自取區選擇多到令人開心！炸雞翼外脆內嫩，咖喱魚蛋香辣惹味，炸蝦同炸魚皮炸得夠脆，響鈴吸湯好正，超滿足😌 蔬菜新鮮，款式又多，配搭火鍋好perfect～
