影片
更多
2010-06-15
32 浏览
愛死佢個脆脆奶油豬呀!話說近來口痕，激愛食奶油豬，基本上餓好飽好見到都會買隻食下。經家人介紹下知道華星有得食，即使當日已經係吉野家食左好大個飯，都係要入去食個試下先。由於係下午茶時間既關係，人唔係太多，所以一入去就有位喇，坐左係好多明星簽名既板下面，朋友笑言咪好多人踩過張櫈，而家咪即係幫人抺櫈XDD真係飽飽地，所以本來只會叫個豬包食，但係人地話不如叫杯野飲share，就試下特別註明係3.6北海道奶既忌廉奶啦。雖然原來人地係tum我，等我叫野飲呀，所以就叫左一件奶醬多，脆脆豬，忌廉奶同茶走喇。即叫即有一枝忌廉放底，轉眼就有用高身平時放紅豆冰既杯放左一大杯奶係面前，真係好快手呀。杯奶試左一啖先，係3.6既味道，香滑但係唔酥既，然後慢慢加入忌廉，不過唔搞混住，由下面多奶少忌廉既到多cream soda少奶既，層層香滑。最後都係搞混一比一分量好飲d，入口好似蛋糕上既鮮忌廉咁，滑而香濃。杯茶走都好滑，係個茶味差少少囉...不過都係呷左一啖所以唔可以太作準既。個多士到先，都幾厚同埋唔慳呀，每一個角都搽曬peanut butter，都夠脆既，都係一啖留肚食脆豬豬。個脆豬豬到左喇，比一般包既薄身，無咁
話說近來口痕，激愛食奶油豬，基本上餓好飽好見到都會買隻食下。
經家人介紹下知道華星有得食，即使當日已經係吉野家食左好大個飯，都係要入去食個試下先。
由於係下午茶時間既關係，人唔係太多，所以一入去就有位喇，坐左係好多明星簽名既板下面，朋友笑言咪好多人踩過張櫈，而家咪即係幫人抺櫈XDD
真係飽飽地，所以本來只會叫個豬包食，但係人地話不如叫杯野飲share，就試下特別註明係3.6北海道奶既忌廉奶啦。
雖然原來人地係tum我，等我叫野飲呀，所以就叫左一件奶醬多，脆脆豬，忌廉奶同茶走喇。
即叫即有一枝忌廉放底，轉眼就有用高身平時放紅豆冰既杯放左一大杯奶係面前，真係好快手呀。杯奶試左一啖先，係3.6既味道，香滑但係唔酥既，然後慢慢加入忌廉，不過唔搞混住，由下面多奶少忌廉既到多cream soda少奶既，層層香滑。最後都係搞混一比一分量好飲d，入口好似蛋糕上既鮮忌廉咁，滑而香濃。
杯茶走都好滑，係個茶味差少少囉...不過都係呷左一啖所以唔可以太作準既。
個多士到先，都幾厚同埋唔慳呀，每一個角都搽曬peanut butter，都夠脆既，都係一啖留肚食脆豬豬。
個脆豬豬到左喇，比一般包既薄身，無咁厚包肉。雖然唔係好多奶油，但係佢好平均咁分佈，所以味道好夠。咬落去好脆，唔會硬身刮損口既，一隻岩岩好做下午茶既份量，都無咩地方可以咁脆而且凍左都唔會太硬同林左。得呀!
見好多人都有叫個常餐一定會搵機會試下佢會唔會都可以接受喎。
张贴