Table 18 Bar & Restaurant (已結業)

平時經過都坐滿客，等位等好耐，難得今日早去到可以早D食晚餐。6pm 去到冇人等位，亦有好多位，不過用餐時間限食1.5小時。一坐低就有麵包條食，脆卜卜好香口。大大件新鮮哈蜜瓜配ham真係絶配，小食併盤裡竟然有西班牙白鳯尾魚，配橄欖食，好開胃，再配番杯啤酒 so match!雜錦香腸拼盤腸份量足，再加份量多的伴菜配搭，好抵食呀！最驚喜係芝士腸，咬開即有芝士流出來，正呀！脆皮德國咸豬手皮脆肉嫰，脆到好食到停唔到口！豬皮燒得非常脆口，好似食薯片咁脆卜卜。豬手不肥，肉質又嫰滑，食完一次好難忘，已經加入咗去我心水餐廳list裡面了。配菜份量亦很足，淨食豬手這碟都好飽。