茶餐廳2.0 (已結業)

之前起度食過lunch 唔錯，今日經過黃大仙黎試下晚餐。呢度日頭坐outdoor 可以望正獅子山，晚市都幾旺，假日個場都差不多爆滿。✨野食款式多😄唔好比茶餐廳個名呃左，其實仲有西餐食。✨行到好鬼熱，見到有個桃膠特飲幾得意，叫杯試下，跟餐仲可以減$10~✨我習慣飲野走晒冰，佢個甜度係少甜，但飲到百香果味同茶香。本身諗緊d 桃膠點食，支飲管又幼，但估唔到又真係啜到😆。好鍾意桃膠個口感，q 彈又似jelly, 加埋d 杞子成個感覺真係好清新，好啱夏天飲。✨跟餐先黎個餐湯，羅宋湯好足料，味道辣辣地幾醒胃，菠菜忌廉湯都唔錯。✨香草比目魚扒（$98): 個比目魚好滑，個皮煎到好香帶點脆口。不過味道淡左d, 加番d 鹽吊一吊味好食好多， size 黎講都幾大塊，意粉配燒汁都惹味。✨蒜香扒大蝦拌脆皮天使麵（$98): 脆皮天使麵都係第一次試，唔知係點嘅樣呢？個麵切開聞到好香嘅芝士味，加埋濃郁嘅醬汁，食落帶點脆卜卜真係好好味😋。隻蝦幾大隻，肉質結實又鮮甜，仲好香蒜味。✨ 黑松露醬野菌雞蛋仔（$58): 咸既雞蛋仔真係好少食，野菌加黑松露醬再加芝士焗，真係好香，配搭甜甜地既雞蛋仔又幾得意。個雞蛋仔焗得有