影片
更多
2019-11-30
138 浏览
平日晚上的live band 喺銅鑼灣搵食，一到夜晚周圍都係人山人海，不過 肯走遠少少就會搵到寧靜而又高質素嘅餐廳， 其實講遠少少都照係離港鐵站多兩條街 ， 講緊嘅係位於駱克道嘅sensu。 餐廳喺駱克道嘅門口唔算大，就只係一條樓梯向上上一層， 但係其實走到一半已經有服務員招待， 因為同一層仲有另外嘅餐廳，佢會指示你去sensu 的那一邊。 走入餐廳嘅用餐區， 好自然就會感受到當中嘅舒適。 向返駱克道嗰邊係一大排落地玻璃，做咗吧檯。 而再向餐廳入面走， 有一個弧形的 live band舞台， 另外嗰邊就係廚房加水吧。 舒適嘅餐椅加埋 時尚嘅裝修，前來的客人大多數都係斯文客人， 氣氛寧靜可以讓人好舒服地用餐。 我同朋友來的日子係星期二， 餐廳每逢星期二及星期五嘅晚上都會有live band嘅演出， 一邊享用晚餐一邊欣賞音樂， 喺銅鑼灣其他地方絕對搵唔到咁好。 先叫咗一盒黑松露薯條 黑松露薯條係餐廳主打嘅其中一款前菜， 薯條當然係即叫即炸啦 ， 外脆內軟 ，最特別之處係黑松露唔係平時食開的黑松露醬， 而係 用黑松露碎片及 同巴馬臣 芝士作調味。 一睇就知餐廳對食物有執著。 燒日本國
喺銅鑼灣搵食，一到夜晚周圍都係人山人海，不過 肯走遠少少就會搵到寧靜而又高質素嘅餐廳， 其實講遠少少都照係離港鐵站多兩條街 ， 講緊嘅係位於駱克道嘅sensu。
餐廳喺駱克道嘅門口唔算大，就只係一條樓梯向上上一層， 但係其實走到一半已經有服務員招待， 因為同一層仲有另外嘅餐廳，佢會指示你去sensu 的那一邊。
走入餐廳嘅用餐區， 好自然就會感受到當中嘅舒適。 向返駱克道嗰邊係一大排落地玻璃，做咗吧檯。 而再向餐廳入面走， 有一個弧形的 live band舞台， 另外嗰邊就係廚房加水吧。 舒適嘅餐椅加埋 時尚嘅裝修，前來的客人大多數都係斯文客人， 氣氛寧靜可以讓人好舒服地用餐。 我同朋友來的日子係星期二， 餐廳每逢星期二及星期五嘅晚上都會有live band嘅演出， 一邊享用晚餐一邊欣賞音樂， 喺銅鑼灣其他地方絕對搵唔到咁好。
先叫咗一盒黑松露薯條
黑松露薯條係餐廳主打嘅其中一款前菜， 薯條當然係即叫即炸啦 ， 外脆內軟 ，最特別之處係黑松露唔係平時食開的黑松露醬， 而係 用黑松露碎片及 同巴馬臣 芝士作調味。 一睇就知餐廳對食物有執著。
燒日本國產和牛定食128 （配沙律及湯）
日山和牛定食，一客已經已經包括了沙律及 麵豉湯。 沙律菜新鮮不在話下， 麵豉湯也非一般的麵豉湯， 裏面有濃郁的鰹魚味， 也有不少的海帶。
至於和牛定食， 除了有日山和牛片之外也有溫泉蛋。 日山和牛絕對令人體驗到什麼叫做肉質甘香，細嫩軟淋。 燒過後的日山和牛油脂豐盛， 令到肉味非常突出。 日山和牛肉汁澎湃， 溫泉蛋 蛋香濃郁， 加埋有米香和煙韌有口感的日本米飯， 食完感覺勁滿足。
是日甜品
另外加28蚊叫了是日甜品--菠蘿泡泡。
一睇就知呢度甜品做得非常有心思， 送上枱時以乾冰造成 騰雲駕霧 的效果， 淨係打卡已經非常一流 。 菠蘿泡泡，首先是以菠蘿肉以及菠蘿汁打成口感軟綿的泡泡。 泡泡入面就是椰汁布甸，配上有口感酥脆的nuts, 一軟綿一幼滑一脆口， 口感極豐富。
最後飲品叫了sensu 的signature drinks；
Bamboo Charcoal Caramel Latte with Coffee Jelly 加入了竹炭的 焦糖咖啡， 顏色呈深灰色，頗為特別。 而且最讓人 驚喜的是飲品底部有咖啡造成的啫喱， 有o趙頭 也有濃濃的咖啡味。
是日晚上，身處銅鑼灣中心地帶， 以不算太貴 的價錢， 既欣賞了駐場歌手monkeyliu 的演出， 也品嚐了一客 讓人齒頰留香的日山和牛定食， 的確能夠讓人五感六官也稱心滿意。
张贴
