獅城星馬餐廳 (已結業)

中環蘭桂坊食西餐食日本野就食得多，但係食新加坡菜真係第一次。坐低問Waiter有乜野推介，佢話胡椒蟹同海南雞都唔錯，於是就叫黎試一試啦。呢個星洲胡椒蟹份量認真十足，隻蟹都多肉，而且食落都覺得幾新解，佢個汁調得都幾惹味，絕對有身處新加坡食緊嘅感覺，佢個胡椒味都幾出，我自己就覺得好有水準。海南雞都係好新加坡嘅食法，要點薑蓉加甜豉油同埋個紅色辣汁，正。隻雞本身都做得夠晒嫩滑，另外值得一讚嘅係隻雞唔會太多肥膏，唔知係個廚師片走晒定係揀D雞揀得好呢？之後再問Waiter有乜野菜可以叫下，佢叫我地可以試下秋葵，又試下啦，味道唔錯，清清地，個汁又幾好味。最後提一提佢有隻德國麥啤都幾好味。