好燒味 (已結業)

今日老婆要係中環開會，得果頭一個鐘食飯，真係等得位嚟都唔駛食，唯有睇下有咩外賣仔可以搵個公園仔開餐，竟然老婆冇拒絕我外賣燒味既決定！ 搵到一間老婆肯食既外賣燒味，位置都幾難搵，因為比出面既鋪頭遮住。 都幾多款式，各式燒味應有盡有。本身見到有溫泉蛋都想試下呢個組合，可惜未有，期待下次再試。叫左慢煮叉燒，鼓油雞同埋醬王燒鴨。唔駛等好耐已經即刻有得拎，而且醬汁，薑蓉同埋黃芥末全部獨立包裝比你，非常細心。拎完即刻同老婆去公園開餐。 打開盒都幾精緻，三種食物排列整齊，份糧適中，溫度仲有微熱(因為我都行左一段路去公園)。首先打開醬汁加入飯中，再倒小小薑蓉落飯度。叉燒唔錯，因為自己唔多鐘意食肥膏，佢就係冇咩肥膏咁濟。燒鴨就啖啖肉，好食！鼓油雞就不過不失。中環既燒味可以有咁既質素，仲要係外賣我真係完全收貨，最重要既係我女人都收貨！要搵一個上班族老婆中午肯同你兩個人係公園一齊食外賣燒味真係唔容易，一個肯捱燒味飯既女人我找到了！食完又要同老婆分別 ........ 一個短暫既下午，今晚見！