黃金燒味 (已結業)

前幾日發掘到哩間食燒味既，環境乾淨企理，腩叉超好味！落完單店員即刻端上例湯同小碟，送既，話未有野食前飲左湯先，都幾貼心，又好快手有野食。住家燉湯餐 $108燒味當中最愛食燒鵝同叉燒，見餐牌話加$5轉腩叉，即轉，跟餐仲配油菜一碟同燉雞湯一碗。一上台見到d腩叉十足五花腩咁肥瘦均勻。睇落肥既地方原來係爽口嫁，一d都唔油膩，燒得脆邊爽口，好正！燒鵝皮冇咩肥膏，鵝肉甘香。足料靚燉湯，兩個餐三碗湯，哈，夠晒湯水。雙拼碟頭配米線 $54燒腩仔拼玫瑰鼓油雞，份量十足，哩度d燒味唔會好咸，質素高，下次再黎食！