神虎拉麵 (已結業)

冬天又到,自然想食暖粒粒既野暖下個胃, 除左煲仔飯就自然選擇拉麵。睇到唔少食評家既BLOG 都介紹呢間拉麵, 就黎試試佢!!呢間神虎拉麵相對一蘭黎講少好多人排隊, 晚餐當日仲要唔洗等位同一蘭一樣比一張紙仔比大家選擇麵條、湯底等等, 今次都係小試牛刀, 麵條選擇幼, 湯底濃度、香油全部中等神虎拉麵先講湯底-濃厚豬骨湯味, 隱著有一股中式老火湯既味道同感覺, 好似將豬骨同蔬菜融入湯中, 老火湯當然唔會加味精啦~不過湯底就比較油膩, 食到一半覺得好漏麵條- 軟硬適中, 師傅掌握時間不錯!叉燒- 相對一蘭同其他拉麵店而言, 呢間既叉燒偏瘦, 冇乜肥油可言, 不過正因如此可以考到師傅功力, 一舊瘦叉燒都可以做到入口即溶而冇渣, 實屬難得!!溏心蛋食拉麵少不了另一個主角溏心蛋- 個人覺得蛋黃太生, 一咬蛋汁即刻噴出黎, 而唔係半凝固狀態, 有D失色!食完拉麵後, 湯底凝結不少油份, 的確....幾油膩煎餃子煎餃子即叫即煎, 外皮脆內餡多汁, 內餡豬肉食到有粗幼質感, 增加餃子口感, 誠意可嘉