三代目 (港運城)

营业中

休息中

今日忽然拉面瘾起, 所以就去咗 ❥⧽三代目 ❥⧽ 食拉面喇。餐厅以红, 黑色为主, 走型格路线, 里面有好多卡座位, 几阔落所以坐得好舒服。𓊈海之天妇罗𓊉天妇罗有虾, 鲷鱼, 黑松露带子, 墨鱼同紫苏叶, 外层全部都好酥脆。虾好大只, 肉质结实弹牙。鲷鱼新鲜嫩滑。带子中间加咗黑松露, 味道好香有层次感。𓊈照烧鱿鱼筒𓊉一上枱就已经好香喇, 鱿鱼筒胀卜卜超级爽口, 个人最钟意食鱿鱼须位, 比较烟韧有咬口, 照烧汁比例刚好, 唔会太甜盖过鱿鱼味。𓊈紫苏烧豚梅肉拉面𓊉好欣赏块豚梅肉, 好肥美, 脂肪同肉嘅比例好平均, 唔会太肥腻/ 太瘦干争争。溏心蛋好流心, 蛋黄大大粒, 好好味。𓊈辛烧豚梅肉拉面𓊉如果钟意食辣嘅话, 真系可以试吓呢个辛烧拉面, 个汤底好香浓惹味。𓊈巨峰梳打 ✧ 白桃梳打𓊉本来以为系机出嘅梳打, 点知系原支樽装梳打, 喜出望外, 一扭开樽盖已经有阵阵香味, 加埋冰一齐饮, 唔会觉得太甜, 好好饮!✧✧ 餐厅食物种类真系好多, 座位又好舒适, 好适合想静静地食饭倾计嘅朋友。