阿爺燒鵝餐室 (已結業)

上星期同事叫個tea set, 望落好好味。今次阿媽話有親友黎屋企，叫我買多樣小食同一個飯盒，以防唔夠食。於是我終於有機會試下d燒味。放工時間人山人海呀，我就叫左個燒鵝紅腸飯。燒鵝肉嫰，肥膏勁香，夾埋一齊食好有層次呀。而個紅睇厚薄剛好，食落冇大肥膏，我就好滿意喇。d飯份量勁多，又有菜同鼓油，食哂一份輕而易舉。另外，我買左50蚊瘦叉燒同50蚊燒骨俾佢地食。我都試左舊燒骨，好juicy，燒到好香口呀。d叉燒瘦瘦地，岩哂佢地口味。總結： 店員好做到野，有個阿婆買油雞上莊，店員同佢講清楚上莊係冇下莊咁多架，係咪肯定要呀。原來個阿婆係想買下莊但講錯左上莊。令我覺得店員做事認真。