八幡屋涮涮鍋 (已結業)

今日去左呢到打邊爐，實在樂而忘返。湯底簡左龍蝦蕃茄湯吸引左，雖然要加錢，竟然真係有半隻龍蝦係入面，而且仲有超香濃既蕃茄味，實在驚喜。牛方面我地既餐有澳洲和牛，薄切左之後好快熟。因為和牛關係，所以比較有油香，而且唔同部位牛味都好濃。一開始有一碟係日本和牛，同樣出色！配料方面亦有魚生、蔬菜、海鮮、丸類，即刻選擇困難症。難得既係魚生肥美，而海鮮亦不會有任何腥味。最後熟食方面有炸物，的確好出色，因為都係不斷即炸，熱辣辣,而且都有好多款。最後，飲品方面，亦有齊唔同選擇，有糖無糖，有氣無集，果汁定茶咩都有得簡。呢個價錢，呢個質素，正啦~~