肚餓了串燒烤焗專門店 (已結業)

今日男朋友帶左我去一間位於尖沙咀嘅餐廳食串燒，餐廳地理位置好理想，一出地鐵站行5分鐘左右就到。餐廳裝修好有特式，周圍都擺滿左唔同嘅酒樽，痴左好多周星馳嘅海報，仲有幾種以周星馳電影命明嘅酒。我地坐個位仲可以望到街景。雞肉類。分另叫左自家製惹味燒雞肉串同肉汁香燒餃子雞翼。雞肉串好大串，唔似街外嘅咁細舊，聞到好大陣炭火味，好香，食落仲有小小蜜糖味。餃子雞翼好好味，入面釀左滿滿嘅明太子，食落有好多汁。鹽燒安格斯牛柳粒。成日覺得燒牛肉好難控制火候，好易會燒到好老，但e到嘅仲keep到好嫩，咬落黏韌，可以蘸少少味粉令味道更豐富。秘製醬汁燒豬頸肉。一份豬頸肉有成十幾塊，燒得好香。豬頸肉肥瘦適中入口即融，另外配左隻酸酸地嘅汁，點埋一齊食幾過隱。海鮮類。我地叫左勁多海鮮，秘製汁燒鮑魚、蒜蓉燒扇貝、蒜蓉燒廣島蠔、薑蔥烤焗翡翠螺同蒜香勁辣燒虎蝦。廣島蠔真係好大粒，蠔肉脹卜卜。帶子上面嘅蒜蓉好香好吸引，帶子好鮮味。鮑魚好彈牙，無比醬汁遮左鮑魚嘅味。翡翠螺粒粒都大大粒，有好香嘅牛油味。虎蝦足足15cm長，肉質彈牙，蒜蓉燒到有少少似肉碎，唔太辣。菜類分別有蒜蓉燒原條茄子同川式燒韭菜。韭菜味道唔錯 調料味唔會太重。