小城大廚 (已結業)

今日好熱~11點已經餓。决定去呢間經常行過既小城大廚。 未夠12點入坐，叫完餐後問待應嬸嬸可否要兩杯水。佢臉一黑再啤一啤我話，我會比你~！ 餐廳只有我們和另外有一個女子正在等朋友。老公叫左士多啤梨RIBS，我叫雞肉香草意粉。老公個沙津到先，佢食完我個tomato soup 先到。等左大約30mins後佢個RIBS到左，我食左DD，味道一般。等下等下老公食完，我個意粉仲未到。我睇下個表, 嘩1點喇！同待應嬸嬸講我等左好耐，佢竟然話：唔關我事架， 廚房整緊。 之後我又唔見佢去廚房幫我追。我再等多10mins都無野到，我於是行去近廚房果位哥哥同佢講我等左好耐無得食，佢竟然行開....行去個待應嬸嬸度，嬸嬸同我講廚房炒緊就得，我話等多過一個鐘喇仲等，我唔食呀，埋單！佢仲話煮好都唔要？我話仲食得落咩！最後佢黑住臉同我埋單，我老公杯餐飲都未到，嬸嬸話我收你一個餐。我話你可以收兩個咩？仲有你一句"對唔住"、"唔好意思"都無。都唔知呢間野係咪實行最低工資後炒左D員工，E+無人手做野！我本來好想錢都唔比就走架，簡直waste my time！老公話唔好咁做咋！無下次！