肚餓了串燒烤焗專門店 (已結業)

同朋友傾計吹水食串燒係一個唔錯既選擇，可以慢慢食，每樣細細份，大家都可以揀自己鍾意食既野，今次不知不覺又食到好飽黃金薯條呢個即係咸蛋黃薯條，原本諗住份量似伴碟份量再多啲，點知係勁多，成個小錫紙兜咁多，係真係好多，食左就好似食左碗飯咁，薯條係粗個隻，平均都炸得好脆，炸得夠透，唔會好快淋，差唔多每條薯條都沾到咸蛋黃，所以好惹味，非常推介食呢個薯條豬頸肉切條上，好厚肉，絕非薄片，份量勁多，啖啖肉，勁滿足牛仔骨份量勁多，似係有三大塊牛仔骨切半，燒得岩岩好雞翼最鍾意食釀雞翼，啖啖肉原條鰻魚係Mini 鰻魚，一個人食一條都得三文魚頭份量係一隻大三文魚頭開邊，油份十足，燒得啲皮脆脆的舌心舌心好嫩，好有牛味秋葵+翠玉瓜食串燒點都要食返啲蔬菜，秋葵同翠玉瓜都係我至愛，燒蔬菜少不免易乾，所以店家專登落返少少🤏醬落去，等啲蔬菜無咁乾，唔錯