極尚大瀛喜日本料理 (已結業)

約波友食飯，男仔食放題就最抵食！餐廳中間部份有自助吧，範圍幾大。可以先夾下沙律食先，不過我淨係攞咗杯胡麻豆腐沙律杯食，胡麻醬加豆腐凍食一向係我至愛，依個沙律杯嘅胡麻醬唔係稀到變水，濃稠適中。自助飲品嘅雪櫃好大個好多野飲，今次就揀咗清熱飲。喺出面行咗一轉，啲野食就好快嚟到。刺身拼盤嘅珍寶蝦好大隻，肉質唔霉，幾爽口彈牙。榮螺同帶子都好鮮甜。創意壽司幾好食。紫菜脆身，飯粒微暖，吞拿魚蓉好鮮甜！三文魚入口即溶，配上洋蔥更加清新惹味；左口魚鮮甜爽口、蟹捧水準正常。天婦羅蝦炸到啱啱好，唔太油，而且肉質唔霉，幾彈牙。天婦羅蕃薯甜甜哋，幾好食。牛舌同墨魚串燒無燒過龍，唔會乾身，仲有唔少肉汁。蒜香牛油炒帶子原來係一份3粒咁嚟，帶子幾大隻，每隻都充滿牛油香味。每次食放題都會叫燒菠蘿，呢度既好甜好多汁。辣酒煮蜆一份有三隻，賣相精緻，每隻都幾大，唔太辣，蜆肉有咬口。鰻魚即叫即燒，厚身！配上照燒汁、更帶出鰻魚焦香！最尾梗係食返杯雪糕做結尾啦。