肉骨皇 (已結業)

係我唔啱係我唔啱🙈🙈🙈明明應承咗出post介紹肉骨茶但係竟然太眼瞓唔記得咗🤦🏻‍♀️🤦🏻‍♀️今次想介紹嘅係位於大坑嘅肉骨王😍正宗星馬菜主打肉骨茶👍🏻👍🏻依家香港天氣濕到一個點肉骨茶去濕真係好啱😬呢度個肉骨茶呢係新鮮煲起 上菜嘅時候呢仲係熱辣辣㗎🤭配埋甜豉油同埋辣椒食 真係好好食 啲肉煲得好林藥材味唔會太濃 入邊仲有啲冬菇啊同埋其他嘅配料 係一個正宗得來好啱香港人口味嘅肉骨茶😍另外我就叫左一個炒金邊粉 主要都係用蝦同埋雞蛋去炒 個金邊粉比起出邊食嘅金邊粉黎講個質感會林少少 但係佢最大嘅分別就係佢嗰個份量 簡直可以用深不見底你去形容 😲😲😲我真係食完一餐食唔曬打包左返屋企食多餐都仲係食唔曬🤣🤣🤣 不得不提係佢嗰個辣椒粉 堂食嘅話佢會有一個辣椒粉提議你加埋落去一齊食 嗰個辣椒粉真係好香口 連平時唔係好食辣嘅我都忍唔住落咗好多👍🏻👍🏻 羅漢果茶係佢嘅餐飲嚟嘅要加$10但係真係好好味呀😍😍佢煲得好好 好夠味 呢間餐廳我10分推介呀 由於唔係我俾錢嘅關係我唔係好記得 但係如果我冇記錯嘅話佢應該係唔使$100 1個餐嘅即係兩個食大概$200有找啦 講講吓又好想去食啦❤️😂😂