肉骨皇 (已結業)

今日喺銅鑼灣行街，為咗避開人潮特登嚟到天后食嘢，天后都有好多唔錯嘅餐廳㗎☺️我地揀左肉骨皇，叫左以下食物：肉骨茶(細)$118煲得好入味，夠曬香濃美味。佢啲肉幾腍，仲有好多配菜，除咗冬菇、金針菇，我勁鍾意食佢個杞子，好甜。佢提供左個爐，保持個湯嘅溫度，成餐都可以飲到暖笠笠嘅湯，好貼心！😘扎肉喇沙 (摻摻，即兩溝) $88 個湯好濃郁，椰味重，唔會過鹹，有好多片扎肉，d麵質都幾好，掛到汁☺️我覺得啲嘢食都幾好，份量足，食完好飽，價錢正常。呢度地方都幾闊落，食得安心。