捌哥.捌哥特色馬拉茶啡廳

营业中

休息中

其實今晚來到SSP，本身想食x媽x媽（店名，唔係粗口lol），但太多人排隊，頂唔住肚餓，唯有行左去隔離街，試下捌哥捌哥，點知都有驚喜。店名、裝修風格、餐牌擺明係跟足x媽x媽，但排隊人數明顯少得多（可能因為x媽好食d，或者因為x媽係「黃店」）。第一次食當然要點招牌菜，試下手勢。我地點左肉骨茶同砂煲老鼠粉。老闆幾有passion，推介完一字骨肉骨茶後，即刻落手幫我地溝醬汁（黑醬油+蒜+辣椒）。骨未到，湯先到。湯係唔錯既，有藥材香料味，唔會太淡，以獨立分開上而且任添既湯來講，已經好唔錯（肯肯定好過好多人排既荃灣x媽）。一字骨係無介紹錯的，唔肥，亦唔太瘦，肉既咬感幾好。連骨上既湯，比一開始既任添湯更香濃好飲，有肉味，更香口。最有驚喜係砂煲老鼠粉，必食。老鼠粉，其實即係銀針粉。做到條條分明，有咬口，又入味，唔係咁易架葉師傅。師傅應該用左黑醬油、豬肉碎（可能有少少豬油添）、香蔥、少少辣椒去撈，同時砂煲令佢有少少煲仔飯效果效果係極。度。香。口！香得黎，唔會太濃味或者油膩，恰到好處。要俾個like你。