麥金.麥金馬來西亞特式茶啡室 (已結業)

是日黎到大角咀試下呢間麥金麥金，朋友話佢地個肉骨茶正，仲有得任飲，橫掂順路就食佢先。高樓底，冷氣十足再加上吊扇，好舒服。店不大，枱與枱間都幾迫嘅，不過是日下午茶時段黎就ok啦，一人坐一張枱就好濶落。店內用qr code落單，介面易用，仲好多選擇添，少甜少冰走蔥等全部有得㩒。點左個午餐，當然要試下朋友推介嘅肉骨茶啦。餐飲要了馬來西亞拉茶，點了少甜，個人覺得呢個甜度啱啱好，好飲。主角嘅古路仔肉骨茶，上枱時會有埋下面底坐，放了三個蠟燭，確保食完前都會暖笠笠。肉骨茶十分足料，有一字骨，腩肉，豬肚，豆卜等，吸了湯汁好正喎。湯底有淡淡藥材味，不鹹，好啱口味呢～跟餐附上的珍珠飯，連湯食超正。跟餐可以優惠價加小食，叫了呢個檳城香炸滷肉卷，啖啖肉好鮮味，炸得香口不油膩，唔錯唔錯。食完叫店員添碗肉骨茶先，熱辣辣正呀！好飲好飲，散發著藥材味同其他香料味，旁邊仲有辣椒粒、生蒜同醬油，可自行調味啦。可以無限添飲好正呀！