亞金南洋茶室 (黃大仙中心南館) (已結業)

今日晏晝食完素, 收工餓餓地想係屋企附近食少少嘢, 成日黎南館食三哥食到有啲悶, 見到對面呢間亞金餐廳於是入去睇睇餐牌上嘅食物種類繁多, 原本想叫個海南雞飯, 有跟例湯, 不過諗諗下都係想飲肉骨茶多啲, 於是就叫左肉骨茶一人餐, 落完單超快就有得食肉骨茶 (細滲) 配白飯油條配料豐富,除了大大嚿一字排骨外，還有豬手、腩肉、雞腳、豬肚及豆腐卜隨餐會有一碗白飯&油條, 肉骨茶幾香幾入味, 有少許藥材同埋排骨味, 熱辣辣嘅湯夠曬暖胃仲可以自製泡飯, 油條可以浸落去肉骨茶入面食, 飲品方面叫左一杯檸檬薏米水, 都幾足料下, 想不到裡面仲有一條糖冬瓜, 甜甜地幾好味.