一風堂 (朗豪坊) (已結業)

🔎一風堂 (旺角)📍旺角亞皆老街8號朗豪坊4樓5號舖-拉麵經常都會食 有時會覺得得一兩塊豚肉唔係好夠食 今次去左食一風堂 見到有個期間限定增量濃厚豚肉拉麵😱完全係為左食肉獸而設呀！🔹增量濃厚豚肉拉麵 $92有三款唔同嘅豚肉，包括醬煮豚肉，肉質軟腍的卷豬柳叉燒，炙燒卷腩叉燒，加埋重量達到200g，每樣都有3塊，仲有溫泉蛋，湯底係好濃郁嘅豚骨湯，性價比極高！🔹Johnny唐揚雞 $45/4粒除左拉麵再嗌樣小食，唐揚雞都係期間限定，見佢寫住連續八屆於全國唐揚大賽得獎，應該幾好味，外層炸得夠酥脆，都唔錯。#食在旺角 #90sfoodieshare_旺角