先試鮮菌芝士焗豬扒飯，炸豬扒鋪上鮮菇，再以白汁芝士覆面，香氣四溢，一打開已經係正宗港式焗飯的味道，邪惡得來好治癒🧀🍽️
鐵板紐西蘭牛扒配生蒜蓉燒汁，我哋揀咗淨菜取代飯或意粉，菜底份量足，西蘭花、紅蘿蔔、蕃茄仔、粟米、椰菜花一應俱全，清爽中和油香，啖啖蒜香更惹味🥩🧄🥦
小食方面，炸單骨雞翼（4隻）外脆香口，炸粉帶淡淡孜然味，食落更帶勁🌶️🍗。
皇帝蟹棒肉蟹籽凱撒沙律色彩繽紛，上枱即加分；以$18一碟嚟講真係超班，菜蔬新鮮、醬汁充足，爽脆同濃香兼備🥗🦀
是日中湯為青紅白蘿蔔粟米龍骨南北杏湯，足料又濃郁，帶住媽媽湯水的熟悉味道，暖胃又窩心🍲。
最後來杯凍檸茶，茶底清爽，為整餐畫上解膩句號🧊🍋
