黑布小巷

营业中

休息中

間中就會掛住呢度嘅肉蛋芝士吐司🥰而家開喺荔枝角 對我嚟講都好方便 而且好近地鐵站👍🏻裝修好寬敞 仲好光猛 比起以前旺角分店 係再正好多嘅▪️台式肉蛋芝士吐司賣相依然吸引😍吐司本身帶少少甜味 芝士份量好多 呈半溶狀態 豬扒唔算厚身但好入味 配埋半熟流心蛋一齊食🥚好邪惡又好滿足▫️古早味手工滷肉飯超足料嘅滷肉飯🍚肉嘅份量超多 每一啖飯都會有肉配住 而且係半肥瘦 食落口感特別好 肉質比較軟稔🤤▪️黑布台式香腸台式香腸真係抗拒唔到😆好香 層皮又夠脆 最重要係唔會太乾 入面竟然有啲juicy 正!▫️甜不辣估唔到係咁大份 甜不辣有三大塊 煙煙韌韌幾有咬口🥢點埋甜辣醬更加惹味▪️桂圓杞子玫瑰三色圓之前食過芋頭椰汁三色圓 覺得佢哋嘅芋圓都幾好味❤️今次特登試吓另一款 味道都唔錯 唔會太甜 桂圓肉同三色圓嘅份量啱啱好呢度仲有好多自家製嘅飲品 冬瓜茶/冷泡茶/養生茶🥤唔同嘅口味 實有一款啱你