影片
更多
2018-02-14
2237 浏览
到咗餐廳樓上，餐廳燈光較暗，有啲浪漫嘅格調，而且到9點仲有live band 演唱歐美歌曲, like JB, Sam Smith, Bruno Mars...氣氛十足我嗌咗個德國咸豬手，Nathan garden 作為飲品，同埋蘋果撻配開心果雪糕做甜品。首先介紹咗飲料 Nathan Garden，係由乳酪，蜜糖，同埋洋甘菊茶調配而成嘅，洋甘菊味道非常突出，而且配合乳酪酸酸甜甜嘅味道非常特別，而蜜糖亦令到整杯飲品酸甜適中，三種材料嘅配合係意想不到既絕配組合，飲落去清新又開胃。跟住講下德國咸豬手啦。份量十分大，三至四個人嘅份量 ，有一隻手臂咁長。用隻烤落表皮卟卟聲，非常脆，切落去肉質鮮嫩，非常腍， 肉質呈一絲絲而且係誘人嘅粉嫩顏色。 食落去味道適中，唔會太鹹，配芥末醬同埋茄汁都非常好食。而德國鹹豬手嘅豬皮真係好脆，肥膏亦都唔多，係一陣薄薄嘅脆皮，配嫩滑嘅豬肉。 依家諗返起都流口水...最後當然唔少得甜品啦。餐廳嘅雪糕全部都係自家製， 所以呢個開心果雪糕真係落足料， 咬落去啖啖開心果肉，開心果味異常突出。而蘋果撻係用酥皮做餅底，配合一片片薄切青蘋果，口感清新，感覺一啲都唔肥膩。蘋果撻同埋開
我嗌咗個德國咸豬手，Nathan garden 作為飲品，同埋蘋果撻配開心果雪糕做甜品。
首先介紹咗飲料 Nathan Garden，係由乳酪，蜜糖，同埋洋甘菊茶調配而成嘅，洋甘菊味道非常突出，而且配合乳酪酸酸甜甜嘅味道非常特別，而蜜糖亦令到整杯飲品酸甜適中，三種材料嘅配合係意想不到既絕配組合，飲落去清新又開胃。
跟住講下德國咸豬手啦。
份量十分大，三至四個人嘅份量 ，有一隻手臂咁長。
用隻烤落表皮卟卟聲，非常脆，切落去肉質鮮嫩，非常腍， 肉質呈一絲絲而且係誘人嘅粉嫩顏色。
食落去味道適中，唔會太鹹，配芥末醬同埋茄汁都非常好食。
而德國鹹豬手嘅豬皮真係好脆，肥膏亦都唔多，係一陣薄薄嘅脆皮，配嫩滑嘅豬肉。 依家諗返起都流口水...
最後當然唔少得甜品啦。
餐廳嘅雪糕全部都係自家製， 所以呢個開心果雪糕真係落足料， 咬落去啖啖開心果肉，開心果味異常突出。
而蘋果撻係用酥皮做餅底，配合一片片薄切青蘋果，口感清新，感覺一啲都唔肥膩。
蘋果撻同埋開心果雪糕一齊食，係一個出色嘅組合。
整體而言，餐廳食物質素幾高，分量算多，價錢適中， 如果得閒想食西餐，聽下歌，不妨可以嚟呢度試下。
张贴
