卷福和他的朋友們 (已結業)

早兩日朋友仔bb小姐帶我去威威，話上環開咗全港第一間食小龍蝦嘅舖頭~ 嘩，作為小龍蝦fans點可以錯過呀，搵個lunch飛的過去~入到去，乾淨企理。聽聞呢間舖頭幕後大老闆係國內知名作家張嘉佳，難過連餐枱紙都會特別過人~第一道點嘅係張嘉佳秘制，辣得嚟有少少甜，但係又唔似江蘇菜咁甜得過份。Yum yum~第二道菜係降龍十八掌，bb小姐點嘅時候，我呆咗：咩係降龍十八掌？食鴨掌？非也非也，原來係麻辣雞腳同小龍蝦。食得辣嘅人士，極力推薦呢道降龍十八掌！最初每道菜食一隻小龍蝦，會覺得係降龍十八掌惹味啲，但係食落，都係鐘意張嘉佳秘制，甜甜辣辣，好開胃~ 食完小龍蝦，仲可以加刀削麵。記得加！一定要加！伴麵係皇道~兩條女，食完埋單，每人HKD365，以中上環地區嚟講，Lunch價錢小貴。其實佢都有親民lunch set，都係同小龍蝦有關，不過我哋兩個當日目標就係小龍蝦，所以直奔主題。下次再去，會試下lunch set嘅小龍蝦烏冬。好小龍蝦嘅你，值得一試。最近好似係試營業階段，有88折promotion唔知做到幾時呢~P.S.: 香港分店老闆好靚仔