影片
更多
2012-03-03
59 浏览
九條女聚餐, 一定嘈過街市, 一個星期前訂枱時, 指明要窗口位, 費事失禮人.幸運地, 星期五LUNCH都唔係好FULL, 隔離枱冇人, 否則一定俾我地嚇親.第一碟主攻冷盤, 我早知午餐冇龍蝦, 但原來乜嘢蝦都冇的, 只好食蟹啦, 嫌落手落腳好麻煩, 所以攞了個蟹蓋,加上少少凱撒沙律, 呃自己食得健康, 再攞多幾片火箭菜添.呢個蟹蓋不得了啦, 蟹膏爆滿, 一路食, 完全唔敢諗膽固醇呢三個字, 朋友都拎咗個蟹蓋, 但得好少好少蟹膏, 後來我地發現, 個蟹殼多毛的話就冇乜蟹膏, 鍾意食蟹膏的話就要揀個蟹殼皮光肉滑的.我食緊蟹之際, 朋友們都集中火力食花膠, 呢樣我麻麻, 但知道花膠貴, 為免蝕底, 都挾兩塊試試, 花膠好似鹹咗啲, 反而蒸魚, 豆腐, 海南雞, 芥菜及半肥瘦叉燒好食啲.因為鍾意食蟹, 所以攞了兩隻蟹鉗, 順便拎多兩粒螺, 又順便拎一塊燒鴨.....行過燒牛肉檔個廚師又力sell, 嘩條燒牛肉好巨型, 見廚師叔叔咁落力, 就切塊細細地試下啦.綜合朋友意見, 都話冷盤的蟹過鹹, 加上我仲擠了幾滴檸檬汁, 搞到又鹹又酸, 都話唔好咁多手啦. 塊燒牛肉真係好正, 粉紅色, 口感
幸運地, 星期五LUNCH都唔係好FULL, 隔離枱冇人, 否則一定俾我地嚇親.
第一碟主攻冷盤, 我早知午餐冇龍蝦, 但原來乜嘢蝦都冇的, 只好食蟹啦, 嫌落手落腳好麻煩, 所以攞了個蟹蓋,
加上少少凱撒沙律, 呃自己食得健康, 再攞多幾片火箭菜添.
呢個蟹蓋不得了啦, 蟹膏爆滿, 一路食, 完全唔敢諗膽固醇呢三個字, 朋友都拎咗個蟹蓋, 但得好少好少蟹膏,
後來我地發現, 個蟹殼多毛的話就冇乜蟹膏, 鍾意食蟹膏的話就要揀個蟹殼皮光肉滑的.
我食緊蟹之際, 朋友們都集中火力食花膠, 呢樣我麻麻, 但知道花膠貴, 為免蝕底, 都挾兩塊試試,
花膠好似鹹咗啲, 反而蒸魚, 豆腐, 海南雞, 芥菜及半肥瘦叉燒好食啲.
因為鍾意食蟹, 所以攞了兩隻蟹鉗, 順便拎多兩粒螺, 又順便拎一塊燒鴨.....行過燒牛肉檔個廚師又力sell, 嘩條燒牛肉好巨型, 見廚師叔叔咁落力, 就切塊細細地試下啦.
綜合朋友意見, 都話冷盤的蟹過鹹,
加上我仲擠了幾滴檸檬汁, 搞到又鹹又酸, 都話唔好咁多手啦.
塊燒牛肉真係好正, 粉紅色, 口感幼嫩, 再加少少黃芥末, 少食多滋味, 正.
本來已經食完, 突然發覺未食魚生, 唔得, 又出過去, 如果唔向廚師特別要求, 魚生一份得三塊, 我要了三文魚及吞拿魚, 又挾多塊香草煙三文魚及蕃茄沙律.
三文魚幾肥美, 但吞拿魚就有筋, 咬得牙較都軟埋仲係一口渣, 所以只食了兩塊,
至於香草煙三文就不及普通煙三文了.
甜品時刻, 上至下, 左至右 ---香茅凍(正)、
紅莓慕絲(太甜)、 類似拿破倫餅(好硬)、芒果千層餅(好香芒果味, 甜味適中)
麵包布甸(又凍又冇味, 最失望)、黑森林蛋糕(係一大舊忌廉加朱古力碎, 都唔係蛋糕嚟嘅)
咖啡杯好高身, 普通料啫. 午餐$340, 五個人以上匯豐唔知咩咭有七五折, 叧加一, 埋單@$272
张贴
