影片
更多
2018-10-25
1842 浏览
天氣近排愈來愈涼，最岩就係約埋幾個朋友食燒肉⋯ 呢間係佐敦的響Hibiki日本燒肉係網上人氣好高，所以我們都專程放工後黎食高質燒肉放題。價錢方面最平$408一位，不過除左任食有和牛任食外，仲有任飲酒，呢個價錢唔算貴。每枱都會送一份人頭份量的海鮮拼盤，除了有大蝦、海螺外，仲有鮑魚、蠔及比較少有的一夜干。鮑魚非常厚肉；海螺肥美又大隻；一夜干的肉勁嫩滑。蝦超級大隻又鮮味，難怪咁多人同我們一樣不停Encore！除了海鮮拼盤外，每枱都會送一盤刺身拼盤。雖然刺身唔算厚切，不過勝在款款都幾新鮮，而且會有價錢較貴的呑拿魚及好鮮甜的海膽！一入到餐廳就聞到好香的燒肉味，所以我們都忍唔住將所有和牛都叫一份。呢到的和牛均由澳洲入口，當中牛胸腹的口感較有嚼勁；肉眼的油香較重，而且肉質較滑；西冷的肉味就較濃，鍾意有咬口的人一定不能錯過。見網上好多人推介呢款骨付雞肉腸，雞肉包住雞髀骨，個樣好可愛，味道彈牙又Juicy，值得一試。另外，七味豬拖羅(即豬頸肉)切成條狀，一口就可以食晒好方便，而且味道香但唔會過肥，推薦！除了和肉外，呢個米澤三元豚西冷燒完好香，肉質唔會太實，而且入口重油香。香草雞片的微微香草味恰到好處，唔
每枱都會送一份人頭份量的海鮮拼盤，除了有大蝦、海螺外，仲有鮑魚、蠔及比較少有的一夜干。鮑魚非常厚肉；海螺肥美又大隻；一夜干的肉勁嫩滑。
蝦超級大隻又鮮味，難怪咁多人同我們一樣不停Encore！
除了海鮮拼盤外，每枱都會送一盤刺身拼盤。雖然刺身唔算厚切，不過勝在款款都幾新鮮，而且會有價錢較貴的呑拿魚及好鮮甜的海膽！
一入到餐廳就聞到好香的燒肉味，所以我們都忍唔住將所有和牛都叫一份。呢到的和牛均由澳洲入口，當中牛胸腹的口感較有嚼勁；肉眼的油香較重，而且肉質較滑；西冷的肉味就較濃，鍾意有咬口的人一定不能錯過。
見網上好多人推介呢款骨付雞肉腸，雞肉包住雞髀骨，個樣好可愛，味道彈牙又Juicy，值得一試。另外，七味豬拖羅(即豬頸肉)切成條狀，一口就可以食晒好方便，而且味道香但唔會過肥，推薦！
除了和肉外，呢個米澤三元豚西冷燒完好香，肉質唔會太實，而且入口重油香。香草雞片的微微香草味恰到好處，唔會蓋過雞的味道。
如果叫我食網燒一定不能不叫的食物，一定係牛舌莫屬！餐廳的牛舌片無其他餐廳切得咁厚，不過可能就係咁，牛舌就算燒耐左都唔會太韌。
餐廳仲好多炸物可以選擇，除了天掃羅外，仲有榴槤炸彈及芝士年糕。榴槤我今次就無食啦，不過呢個芝士年糕炸得金黃，內裏煙韌，加埋流心的芝士，真係無得彈！我們所有人食左一口，即話再要多份。
除了幾款靚的熱茶包外，餐廳內仲有紅白酒、日本酒任飲！食日本網燒當然飲日本的酒啦，有清酒、梅酒及柚子酒可以揀。當中推介柚子酒比女士們，易入口之餘，酒精含量都唔算高，同朋友邊傾邊飲都唔洗就住就住。
甜品除左有小蛋糕外，仲有多款雪糕及MOVENPICK雪糕。當中我特別鍾意呢枝芒果益力多雪，食得飽飽濟濟時，呢枝味道酸甜的雪條就岩曬啦！
==============================
鍾意我分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)
张贴
