金華冰廳

营业中

休息中

以前一直冇諗過打食評，最近轉左公司響太子返工，發現附近有好多好野食，突然心血來潮想記低好食同唔好食既餐廳。前幾日星期一日返工，上司帶左我去金華食，聽就聽得多，但試就真係第一次試。午飯時間勁多人，等位都等左15-20分鐘。坐底要搭枱，午飯時間就預左既，試問咁旺既地區有邊間唔洗搭枱，不過侍應態度唔算好，唔知係咪因為多人呢？唔計上司，我同另一個女仔一人叫左一杯野飲，一人叫左一個包一個西多，再叫左一個飯share，兩個女仔夠食有餘。檸茶：不過不失，茶濃淡度適中，算係合格有餘，但我冇試到奶茶唔知點。菠蘿油：聽講呢度最出名係菠蘿油，所以我當然要朝聖，叫返一個試下啦。果然冇令我失望，菠蘿包本身已經好熱好脆口，加埋半溶牛油真係一絕，我肯定會再返撻。窩蛋牛肉飯：沒甚麼特別，屬正常茶記水準。總結：金華最出名果然都係包，個人認為應該視之為下午茶首選多過正餐，一來下午茶冇咁多人，二來始終包係其主打。