影片
更多
2015-07-08
458 浏览
仲諗住上次食過呢間性價比高，諗住返撻無蝕底，點知今次真係十個差又受氣！上次見間嘢多人排，就同2個朋友食下午茶叫咗D焗意粉薯蓉，都幾好味，仲叫咗懷舊飲品黑牛。當時D侍應仲會同你解釋係咩飲品，今次，真係火都嚟！搭枱叫咗個7成西冷薯菜下午茶，諗住$58蚊試下啦，都無諗住佢會有翠華質素，但大家樂質素都有啩？點知咁啱隔離對情侶都叫牛扒，但上意粉，心諗起碼佢一齊上都分到邊份打邊呃。點知上到嚟，侍應連隔離叫嘅咩都唔講一次上3份西冷牛扒意粉，幾成熟咩都唔講就放上枱，明明係有1個7成熟意炒，1個5成熟意粉，1個7成熟薯菜，邊度有3個意粉？佢就齋話11A ，連單都無，鬼知11A係邊個。我就同佢解釋呢張檯有3張單，對情侶就接收咗其中2碟，我當然堅持自己要嘅係薯菜無收到碟嘢。隔離對情侶一路食一路話個座位細又坐得唔舒服，食幾食仲發現兩人調轉咗5成同7成嘅扒嚟食。男嘅只好勸女嘅算啦。真係D侍應上菜都唔講低邊碟7成邊碟5成，咁落單時就唔好問要幾成熟啦，反正都亂上比人。坐一陣，另外嚟一個侍應將我碟上錯嘅嘢照原樣退返比我，仲要拎返嚟話之後再上薯菜，我話我真係唔需要上面d意粉，先面臭臭咁拎走。明明係佢地搞錯，仲夠膽將上次
當時D侍應仲會同你解釋係咩飲品，今次，真係火都嚟！
搭枱叫咗個7成西冷薯菜下午茶，諗住$58蚊試下啦，都無諗住佢會有翠華質素，但大家樂質素都有啩？點知咁啱隔離對情侶都叫牛扒，但上意粉，心諗起碼佢一齊上都分到邊份打邊呃。
點知上到嚟，侍應連隔離叫嘅咩都唔講一次上3份西冷牛扒意粉，幾成熟咩都唔講就放上枱，明明係有1個7成熟意炒，1個5成熟意粉，1個7成熟薯菜，邊度有3個意粉？佢就齋話11A ，連單都無，鬼知11A係邊個。我就同佢解釋呢張檯有3張單，對情侶就接收咗其中2碟，我當然堅持自己要嘅係薯菜無收到碟嘢。
隔離對情侶一路食一路話個座位細又坐得唔舒服，食幾食仲發現兩人調轉咗5成同7成嘅扒嚟食。男嘅只好勸女嘅算啦。真係D侍應上菜都唔講低邊碟7成邊碟5成，咁落單時就唔好問要幾成熟啦，反正都亂上比人。
坐一陣，另外嚟一個侍應將我碟上錯嘅嘢照原樣退返比我，仲要拎返嚟話之後再上薯菜，我話我真係唔需要上面d意粉，先面臭臭咁拎走。明明係佢地搞錯，仲夠膽將上次碟嘢拎多次過嚟。如果我接受，早就接受啦，意粉同薯菜一齊嚟我點食得曬喎，你話我唔要都係倒。唉，我唔食你最後都倒啦，做咩逼我硬哽？
之後上過碟凍嘅比我，唔止牛扒凍，薯菜都凍嘅。硬邦邦又乾爭爭，真係寧願M記薯條都好過佢。
牛扒凍到得個硬字，上面D汁都瓊曬，仲有咩食到出嚟！
杯熱檸水普普通通，我心情就苦苦澀澀。
收碟時我問嘜你地西冷牛扒係凍上架？
個職員就「吓？！」一聲，非常不滿咁走開。
收完碟未夠15分鐘，另外個侍應仲特登將調味料由中間移去我旁邊焗我走。
呢餐至少接觸到4-5個侍應，無個好！
坐低受氣，食又難食，真係非常差嘅一餐！
张贴