影片
更多
2021-03-16
935 浏览
喺灣仔食lunch 真係好似去難民營咁搵嘢食，就算垃圾都要排要等。依間都唔另外，幫襯過佢1次Lunch真係講唔出有乜好食，更唔知點解咁門口咁多人排隊食垃圾。堂食過1次早餐質素係一般唔算好吸引，但份量一定夠多。不過早餐外賣真係廢到唔鬧唔得，買個包1杯茶都起碼要等5分鐘以上。仲要凍飲沖得勁慢，熱奶茶就預早沖好成6杯放喺枱等打包。等都唔緊要，最廢係我買吞拿魚包同凍檸茶等到杯凍檸茶出嘅時候吞拿魚包已經包晒俾我後面單嘅人，真係火都嚟！我企門口睇住負責包外賣個女職員，條女係咁出熱飲外賣將吞拿魚包包走晒。冇留返俾凍飲嘅單。另一位專門負責派包個位阿姐見冇晒吞拿魚包都係咁叫冇魚冇魚，我斷估唔到熱飲單優先出晒吞拿魚包而凍飲單因未有凍飲就連包都冇留起。終於到杯凍檸茶出時冇晒吞拿魚包，條女連道歉都冇句就講冇吞拿魚轉唔轉叉燒包？等咗成十分鐘唔好意思都冇句 仲串到話一係退返錢我時間都浪費咗仲要我受你氣，我欠你㗎？以後都唔會再幫襯依間垃圾!
堂食過1次早餐質素係一般唔算好吸引，但份量一定夠多。
不過早餐外賣真係廢到唔鬧唔得，買個包1杯茶都起碼要等5分鐘以上。仲要凍飲沖得勁慢，熱奶茶就預早沖好成6杯放喺枱等打包。
等都唔緊要，最廢係我買吞拿魚包同凍檸茶等到杯凍檸茶出嘅時候吞拿魚包已經包晒俾我後面單嘅人，真係火都嚟！
我企門口睇住負責包外賣個女職員，條女係咁出熱飲外賣將吞拿魚包包走晒。冇留返俾凍飲嘅單。
另一位專門負責派包個位阿姐見冇晒吞拿魚包都係咁叫冇魚冇魚，我斷估唔到熱飲單優先出晒吞拿魚包而凍飲單因未有凍飲就連包都冇留起。
終於到杯凍檸茶出時冇晒吞拿魚包，條女連道歉都冇句就講冇吞拿魚轉唔轉叉燒包？
等咗成十分鐘唔好意思都冇句 仲串到話一係退返錢
我時間都浪費咗仲要我受你氣，我欠你㗎？
以後都唔會再幫襯依間垃圾!
被局住轉嘅叉燒包
24 浏览
0 赞好
0 留言
张贴
