聯邦金閣酒家 (已結業)

禮拜朋友約我去佐敦永安上面間聯邦金閣食晚飯,估唔到裝修得好新穎,都幾優雅.同我去開D聯邦好唔同.連食物品種都好國際化,竟然有壽司,七味軟殼蟹,燒牛肋骨,Caesar Salad...D西式日式食物做得好PRO,問經理佢話有獨立日本廚師做,唔係中廚做埋,所以好得!而中菜方面我地食半隻燒鵝,焗魚咀,排骨菜心煲,炸鱔球...唔記得重有什麼(因為唔係本人點菜)全部都好好味!我個人好鍾意呢個中西日組合,我會再同屋企人食,因為老人家可以食傳統中菜(佢有個大魚池都好多海鮮品種),細路後生實鍾意食壽司,唔駛D後生同阿爺去酒樓食飯好難為佢咁.晚埋單9個人每人AA制$110 連貼士,一般出街食飯消費價,但以是晚質素就好抵食!