榮光粉麵

营业中

休息中

最近發覺有一間非常勤力嘅粉麵小廚！！由早上六點至夜晚兩點，早餐、午餐、下午茶、晚餐宵夜都可以一手包辦🤣真係夠曬搏命👍🏻👍🏻今日第一次幫襯，就食咗晚餐先啦！金牌牛三寶~分別有牛腩、牛筋同牛肚，會特別欣賞牛筋，因為炆到淋之餘，口感依然存在，唔會淋bet bet，腩汁亦都非常香濃，放喺底嘅生菜索曬汁，真係食到舐舐脷。雲吞紫菜湯米~雲吞大大粒，裏面每一隻蝦都新鮮彈牙，肉同蝦嘅比例恰到好處。紫菜湯~紫菜份量算係幾多，湯底夠曬清澈，灑上新鮮嘅蔥花，散發出淡淡嘅蔥香。