影片
更多
2024-02-20
136 浏览
又到同朋友饮酒食饭嘅好日子！呢次去食鹈舞食鹿儿岛期间限定料理，同朋友试吓新菜式一齐饮返两杯爽吓。门面好有味道真系好似去咗日本咁！餐厅里里外外气氛都好正仲要价钱唔贵，所以我同老婆大人成日都会约朋友嚟食饭。呢一餐由健康嘅茶美豚肉金柑沙律出发！肉味香浓嘅茶美豚肉食落几软滑唔会鞋口，加埋啲好香嘅金柑呢个沙律劲爽口开胃。然后嚟一份我最钟意嘅油甘鱼刺身！厚切嘅油甘鱼好红润好有光泽，食落去鱼油好香而且味道真系好鬼鲜甜正㖞。有刺身唔争在食埋寿司叫咗呢个爽口嘅鲷王寿司！肉质细致软嫩嘅鲷王味道淡雅得嚟好鲜嫩，钟意温柔嘅刺身朋友要试呢个。食完刺身寿司开始食啲热嘢整个泥乌贼天妇罗叹吓先！墨鱼食落去好烟韧弹牙仲几鲜味添，用嚟做天妇罗口感味道都几出色。跟住见有呢个甜薯天妇罗梗系要嗌俾老婆大人食啦！又粉又淋嘅香甜番薯要嚟做天妇罗好啱Key㖞。呢一个茶美豚锅味道都好唔错！入面除咗有肉味香浓嘅茶美豚之外仲有滑捋捋嘅豆腐，跟住仲有大白菜同埋冬菇浸喺个清甜嘅汤底入面，食落真系好舒服好好味感觉仲好健康添。呢个系鹿儿岛茶美豚五花腩脆米紫菜卷，紫菜我食唔到不过可以食豚肉五花腩，加咗个特制酱汁味道又另有一番境界几特别㗎。牛魔王嘅我
门面好有味道真系好似去咗日本咁！餐厅里里外外气氛都好正仲要价钱唔贵，所以我同老婆大人成日都会约朋友嚟食饭。
呢一餐由健康嘅茶美豚肉金柑沙律出发！肉味香浓嘅茶美豚肉食落几软滑唔会鞋口，加埋啲好香嘅金柑呢个沙律劲爽口开胃。
然后嚟一份我最钟意嘅油甘鱼刺身！厚切嘅油甘鱼好红润好有光泽，食落去鱼油好香而且味道真系好鬼鲜甜正㖞。
有刺身唔争在食埋寿司叫咗呢个爽口嘅鲷王寿司！肉质细致软嫩嘅鲷王味道淡雅得嚟好鲜嫩，钟意温柔嘅刺身朋友要试呢个。
食完刺身寿司开始食啲热嘢整个泥乌贼天妇罗叹吓先！墨鱼食落去好烟韧弹牙仲几鲜味添，用嚟做天妇罗口感味道都几出色。
跟住见有呢个甜薯天妇罗梗系要嗌俾老婆大人食啦！又粉又淋嘅香甜番薯要嚟做天妇罗好啱Key㖞。
呢一个茶美豚锅味道都好唔错！入面除咗有肉味香浓嘅茶美豚之外仲有滑捋捋嘅豆腐，跟住仲有大白菜同埋冬菇浸喺个清甜嘅汤底入面，食落真系好舒服好好味感觉仲好健康添。
呢个系鹿儿岛茶美豚五花腩脆米紫菜卷，紫菜我食唔到不过可以食豚肉五花腩，加咗个特制酱汁味道又另有一番境界几特别㗎。
牛魔王嘅我梗系要叫埋呢个鹿儿岛半生熟和牛肋眼叹吓啦！熟度啱啱好嘅牛肋眼食落去好腍滑牛味都好唔错，钟意食和牛嘅朋友可以叫佢嚟试吓。
最后嘅甜品我哋叫咗呢个亮晶晶嘅水信玄饼！食落去好爽滑嘅水信玄饼配咗香甜嘅黑糖同埋黄豆粉真系好夹，不过食嘅时候小心唔好俾啲黄豆粉浊亲呀哈哈。
张贴
