影片
更多
2021-05-13
31 浏览
行開旺角見呢間台灣野有臭臭鍋，係香港都未有機會食過就入去試吓。用QR code好快落完單搞掂，佢都幾多款式嘢食，話左想試臭臭鍋咁梗係就叫咗佢招牌嗰個黎試啦，但因為好肚餓所以仲叫多咗個紅燒牛肉麵同埋幾款小食。物如其名嘅臭臭鍋一上菜就已經聞到陣味，但其實佢又唔算非常臭，係隱約會聞到啲臭豆腐嘅味道。成個鍋好足料，我哋揀咗小辣同埋肥牛，肥牛都比想像中多，豆腐幾正食落去味道都幾特別，質感散散地咁所以索到好多湯底嘅汁。食落去嘅時候其實就已經冇咗浸臭味，反而係好香口，忍唔住瘋狂咁食。另外見佢幾特別嘅地方係個火係用蠟燭嘅，所以唔會食到最後好燶好黐底。喺其他地方都比較少見呢樣嘢食，都幾值得試下。烚娃娃菜，正正常常，我哋擺咗佢落去臭臭鍋度索汁嚟食😂涼拌青瓜，呢個汁幾正，酸酸甜甜咁，食落幾fresh份量都唔少。紅燒牛肉麵，比較少見用幼麵嘅台灣餐廳，質感都OK幾好食。不過佢嘅湯底食落感覺好重藥材味多過平時紅燒陣味，都幾特別。本身擔心佢臭臭鍋唔係好多豆腐所以就貪心叫多咗個麻辣臭豆腐。都係一樣上菜就有陣味，但識落就唔係好覺，反而淡淡地同有一陣麻油味，一碟有成六大嚿😋勁多嘅手撕雞，好香麻油味，雞肉夠嫩，不過都油油地
用QR code好快落完單搞掂，佢都幾多款式嘢食，話左想試臭臭鍋咁梗係就叫咗佢招牌嗰個黎試啦，但因為好肚餓所以仲叫多咗個紅燒牛肉麵同埋幾款小食。
物如其名嘅臭臭鍋一上菜就已經聞到陣味，但其實佢又唔算非常臭，係隱約會聞到啲臭豆腐嘅味道。成個鍋好足料，我哋揀咗小辣同埋肥牛，肥牛都比想像中多，豆腐幾正食落去味道都幾特別，質感散散地咁所以索到好多湯底嘅汁。食落去嘅時候其實就已經冇咗浸臭味，反而係好香口，忍唔住瘋狂咁食。另外見佢幾特別嘅地方係個火係用蠟燭嘅，所以唔會食到最後好燶好黐底。喺其他地方都比較少見呢樣嘢食，都幾值得試下。
烚娃娃菜，正正常常，我哋擺咗佢落去臭臭鍋度索汁嚟食😂
涼拌青瓜，呢個汁幾正，酸酸甜甜咁，食落幾fresh份量都唔少。
紅燒牛肉麵，比較少見用幼麵嘅台灣餐廳，質感都OK幾好食。不過佢嘅湯底食落感覺好重藥材味多過平時紅燒陣味，都幾特別。
本身擔心佢臭臭鍋唔係好多豆腐所以就貪心叫多咗個麻辣臭豆腐。都係一樣上菜就有陣味，但識落就唔係好覺，反而淡淡地同有一陣麻油味，一碟有成六大嚿😋
勁多嘅手撕雞，好香麻油味，雞肉夠嫩，不過都油油地減肥嘅朋友仔記得自己走雞皮
张贴
