佳記甜品 (已搬遷) 新店位置

今日同朋友去左打羽毛球，打完之後就去左附近嘅佳記，即係都幾出名嘅B仔涼粉。咁我地就坐低啦嗌左西瓜汁、鮮什果涼粉同埋雞翼尖。雞翼尖係我黎到必嗌嘅，記得以前食個陣係幾辣，辣到一定要飲野嘅。今次食嘅呢個好似無以前咁辣。 但都係好好味同會食上癮，雜果涼粉入邊有西瓜火龍果芒果同埋哈密瓜，生果都幾新鮮，配埋涼粉一齊食就消曬暑，雜果涼粉$38 同埋雞翼尖 $18，價值抵唔抵就因人而異啦，不過未食過B仔就唔好同人講黎過元朗啦係咪？