深仔記

营业中

休息中

深仔記聽就聽得多，食就未食過。最近行開尖沙咀，見到開左兩間深仔記，於是就提議搵日lunch偷雞早d出門口去食。呢度既裝潢感覺幾似宜家新開既冰室，即係新潮得黎又似茶餐廳。見滑蛋有吾少人叫，於是我都揀左個滑蛋蝦仁飯黎做午餐。豉油幾香，但蛋味同蝦味都不足。d蝦係好爽口，但完全無蝦味，有d似食緊蒟蒻。同事食既滑蛋叉燒飯就好d，因為d叉燒幾好味，而且同豉油好夾。聽講冰室脆炸大雞脾係呢度既明物，所以有同事叫左隻黎試。即叫即生炸，熱辣辣，有肉汁，外皮脆卜卜，併得輸。凍檸茶有成4塊檸檬，茶底正常，算幾足料。