潤

营业中

休息中

同朋友嚟慶生staycation 一定要黎呢度試下個靚早 話哂呢間係米芝蓮一星 識揀一定揀中式 本身因為太晏落去 去到佢話潤full左 只有去drawing room 跟住down左一嘢 好在佢話雖然要坐drawing room 但係食物係一模一樣無分別 個人即刻開心返 雖然係揀中式 但係因為佢係semi buffet形式 所以yogurt cereal 芝士 麵包水果呢啲基本早餐食物都一應俱全 我揀嘅中式中餐有四款點心 同一碗signature咁滯嘅鮑魚雞粥點心有蝦餃燒賣荷葉糯米飯同龍蝦春卷三款點心都係正常水準除左個春卷 特別嘅地方係佢有好足料嘅XO醬提供 加左落蝦餃度辣辣地 好惹味 我覺得最特別嘅係佢嘅龍蝦春卷 佢唔係我地平時食開好多春卷皮嘅炸春卷 佢嘅外層texture有少少似食緊churros 中間包住啲龍蝦 龍蝦好鮮味彈牙 比我評分 佢係比碗粥更出色嘅🤣而碗粥就有隻大大隻好吸睛嘅鮑魚喺面 煮得非常入味 而粥入面都有好足料嘅雞 而啲雞仲一啲都唔鞋 總括而言 呢個米芝蓮係值得一試嘅 但係下次再黎我會選擇試其他款式嘅早餐