裕滿人家 (已結業)

老爸喜爱中茶，平时蒲开市中心𠮶边，一家四口跟婶婶有事在附近处理完毕，是但揾间唔使等位嘅中入去啦，烧腩仔块脆皮有少少靱，肉又咸炸韮菜饺，外皮炸得脆口，韮菜香，肉馅淡，不过整体味道系唔错嘅。香煎薄撑，有葱自然香，煎得都够薄，唔会成口粉皮感觉。甜豆藕片淮山纯粹有碟植物点缀，可惜准山只得两小块，味道不过不失春风得意肠嘅春卷唔够脆啰。出水芙蓉带子饭，带子近乎失踪，豆腐就多，汤饭似的，夏天食就适合不过啦味道恰当，只系料有点揾笨。话梅猪软骨，色水就有喇，但味道唔惊喜，食唔出话梅的酸甜味。最后要份甜薄撑，不外乎椰丝芝麻砂糖馅，包得唔实一夹即散，以上馅料大家都估到咩味道啦⋯⋯