米走雞 (昭德大廈) (已結業)

朋友仔約出嚟聚舊，原來係Frewell晚餐!因為朋友仔要移民到加拿大，真係好唔捨得! 我地去咗長沙灣米走雞食飯!呢間都係朋友介紹的。出名係芝士雞煲。雖然地方有點細少! 但人流好多! 食物新鮮!首先天氣咁熱， 當然叫返杯凍檸樂啦!經朋友及店員推介， 就試吓個"芝士雞煲"。 其實一聽到"芝士雞煲"就驚會好"漏". 又芝士又雞。不過店員拍心口話一定唔會"漏"。 而且我地一食就會好鍾意。 既然個店員咁有信心，當然要試啦! 果然冇錯! 芝士鋪滿雞上，又有洋蔥香味! 而且雞肉好滑。 完全唔"鞋" 食到啖啖芝士香。真係好鍾意。 食完雞之後, 我地就叫咗牛肩脊。肉質雖然未去到入口容化。 但肉質柔軟。牛肉香味濃。 有口感!手打Wasabi 墨魚丸，係店舖新產品。 當然要試啦! 一啖咬開, 見到Wasabi. 食落有少少 "供鼻" 但感覺好特別! 要一讚就係墨魚丸絕對係真才實料。食落會有好多墨魚粒的。我同朋友都好鍾意食墨魚的。所以都唔介意再叫多一樣同墨魚有關的食物。就係 "魚歡喜" 個名好特別呀! 條魚係笑嘅， 所以叫做"魚歡喜"。同樣都係好多墨魚粒。 又食到蟹籽!哇! 呢個"美國桶蠔" 店員一放係枱面，