影片
更多
2010-09-06
20 浏览
數下手指師傅都有成三個幾四個月冇見過花姐, 主因都係花姐比較忙; 而最近師傅有幸得到花姐相約飯局一聚, 皆因花姐想趁住抖暑呢個空檔, 見一見師傅, 唔係到馬季開鑼就唔得閒同師傅聚舊, 所以師傅就算幾忙呢個約會點都優先處理啦! 花姐叫師傅諗下食咩, 最後師傅提議去丼吉食吉烈, 可惜花姐怕太熱氣否決左! 於是師傅即刻比個靚直線, 等花姐單刀射門好過喇, 於是花姐同師傅講早一排去過嗰一度食飯, 水準唔錯話值得再去, 於是師傅當然冇問題啦! 細問食店名稱, 花姐話 “嗰一度, 食健康野呢!” 師傅就話 “邊一度?” 花姐話 “尖沙咀嗰一度喎…..” 最後幾經辛苦先知原來係菓一道而唔係嗰一度, 呢個名真係相當灰諧!師傅約實花姐時間地點後, 當日準時出現再等侯花姐帶路去嗰一度! 去到呢間食店, 第一個感覺係環境幽暗, 好似好有情調咁; 細看之下先知原來係食店冇咩錢交電費, 所以將燈光較得暗d啫, 氣氛真係全無; 於是侍應帶位入座後, 師傅第一時間就睇下有咩好食啦, 呢間食店係sell健康食品, 所以並冇白飯, 全部以糙米飯為主打, 師傅對糙米飯一向都好抗拒, 所以應該唔會叫飯食!睇左一陣發現餐牌上
花姐叫師傅諗下食咩, 最後師傅提議去丼吉食吉烈, 可惜花姐怕太熱氣否決左! 於是師傅即刻比個靚直線, 等花姐單刀射門好過喇, 於是花姐同師傅講早一排去過嗰一度食飯, 水準唔錯話值得再去, 於是師傅當然冇問題啦! 細問食店名稱, 花姐話 “嗰一度, 食健康野呢!” 師傅就話 “邊一度?” 花姐話 “尖沙咀嗰一度喎…..” 最後幾經辛苦先知原來係菓一道而唔係嗰一度, 呢個名真係相當灰諧!
師傅約實花姐時間地點後, 當日準時出現再等侯花姐帶路去嗰一度! 去到呢間食店, 第一個感覺係環境幽暗, 好似好有情調咁; 細看之下先知原來係食店冇咩錢交電費, 所以將燈光較得暗d啫, 氣氛真係全無; 於是侍應帶位入座後, 師傅第一時間就睇下有咩好食啦, 呢間食店係sell健康食品, 所以並冇白飯, 全部以糙米飯為主打, 師傅對糙米飯一向都好抗拒, 所以應該唔會叫飯食!
睇左一陣發現餐牌上最貴的食物亦不超過一舊水, 師傅為左平衡心理, 決定柯打一客最貴嘅食品, 就係紐西蘭青衣魚柳配磨菇忌廉天使麵, 而花姐就要左紅洋蔥菠菜茸煙三文魚河蝦炒意大利粉, 大家再加十八蚊配上餐包, 餐湯, 餐飲和甜品! 當落單之際侍應同師傅講話是晚係冇紐西蘭青衣魚柳配磨菇忌廉天使麵, 當下師傅嘅感覺有如晴天霹靂, 心情亦大打折扣, 即刻想起台劇命中注定我愛你嘅劇名, 而師傅呢套就叫 “命中注定冇得食”, 亦不自覺地講左個 “灰”字! 咁嘅環境唯有再揀過啦, 師傅同時間為左滿足平衡心理, 決定叫第二貴嘅食物, 就係板煎挪威三文魚扒配三色糙米飯! 話唔食糙米飯偏偏又要揀糙米飯, 你話係咪矛盾呢?
落完單同花姐吹下水, 話咁快餐包同餐湯亦同時登場, 餐包唔知咩包, 不過包身軟熟, 絕對唔硬, 感覺都幾新鮮, 而餐湯係蕃茄薏米湯, 湯底微酸, 但絕冇開胃感覺, 味道好一般! 食完頭盤後, 師傅心中都涼左一大半, 暗呼 “大鑊”! 而主菜板煎挪威三文魚扒配三色糙米飯登場, 第一個感覺係賣相絕不吸引, 但師傅為左對佢公平所以冇以貌取人, 於是就用少少汁配少少糙米飯, 慢慢將佢放進口中, 唔放由至可, 一放入口師傅即刻想嘔, 幸好定力夠才不至大出洋相; 師傅真係講唔出糙米飯出左咩事, 但總言之好難食; 於是唯有棄飯取魚, 又切少少三文魚放入口, 發覺三文魚味道一般但腥味十足, 師傅都唔知話佢新鮮好定唔新鮮好, 整體真係十分難食, 食左兩啖已經唔想再食, 真的不吃也罷!
當師傅遇到咁嘅遭遇後, 條氣當然唔順啦, 於是就去夾左花姐少少炒意大利粉, 試食後又發覺並不是太差, 至少食得到落口, 沒有倒胃的感覺, 更加令師傅覺得十分之 “灰”! 食完個主菜就到甜品同餐飲, 師傅當然揀凍檸茶啦, 可惜呢間食店連凍檸茶都冇, 淨係得杯唔知青檸甚麼, 師傅當堂 O晒咀, 甜品係咩都唔重要, 勉強叫個果凍算了! 呢兩款野師傅喺心情低落時食, 所以味道一定覺得佢唔得, 為表公平還是決定唔評!
總括黎講食物質素頗差, 令人難以接受, 服務態度一般, 地方唔算特別舒服, 價錢都唔算平, 平均六十至七十蚊個意粉, 如果咁嘅價錢, 師傅寧願去百佳咖啡好過! 縱使每份食物喺個餐牌都寫上幾多卡路里, 但味道咁差倒不如減肥禁食好過, 師傅絕對會比喊臉, 亦好肯定冇下次! 雖然對師傅黎講呢餐係唔好味, 但聚舊比食物更重要, 所以能夠同花姐聚舊, 天南地北確已經係一件美事, 最後師傅亦得多謝花姐, 下次就到師傅做東, 食番餐好!
张贴
