粗店燒烤 (已結業)

旺角想搵一間吹水既地方，搵到一間燒烤串燒店，可以同朋友慢慢坐，吹下水，啤一啤，食下串燒。串燒大概$18-40內都有，有人一齊share就緊係乜都叫下啦！叫左雞皮串燒，燒茄子，牛肉，雞腎，豬腩肉，雞翼等等…餐廳會提供熱盤一直熱住啲串燒，唔怕吹水啲到凍晒，最貼心係有餐紙！👍🏻店內亦有提供辣椒粉同孜然粉提供，點埋啲串燒會更加香！😋😋燒雞皮燒得岩岩好，表面脆脆地，一流👍🏻燒茄子落左啲菜甫，有唔同口感好特別，不過偏辣，因為落左啲辣椒仔上面。雞翼都值得一試，表面燒得好香脆，入面都仲好juicy!燒菠蘿燒韭菜都可以試試，不過今日韭菜老左啲，好難咬，至於菠蘿都好新鮮，好多汁😋👍🏻美中不足係飲品選擇不多，得啤酒汽水紙包飲品。食到口渴時都想飲啲解渴又特別既野飲！