鮮‧港式串燒吧 (已搬遷) 新店位置

官塘有好多樓上餐廳，朋友推介哩間串燒吧，於是上去試一試。首先環境十分滿意，好多串燒吧都有好強烈油煙燒烤味，佢地一d都無，而且餐廳內播放歌曲，令氣氛增加不少。燒烤點左燒蘑菇，雞中翼，雞全翼，鵝肝多士，燒三文魚頭，芝士煙肉大蘑菇，黑豚肉腸，豬頸肉，栗米，燒菠蘿，牛仔骨同雞軟骨。個人特別推介鵝肝多士，唔係好多餐廳有得提供，味道亦唔錯，鵝肝份量唔會過少，另外燒三文魚頭亦燒得恰到好處，肉質鮮嫩肉汁亦都當豐富，芝士煙肉大蘑菇，唔會有好強烈芝士香味，岩我胃口，因我好怕好強烈嘅芝士香味。最後睇到佢地有d包廂，如果夠8位人數，可以間個房自成一角，如果一大班朋友聚會係一個不錯選擇。