Odelice! (蘭杜街)

放工約咗朋友去呢間朋友介紹嘅法國餐廳度食。出面面條街有啲位可以泊車，幾方便。估唔到七點鐘去到要等位，好彩都唔係等咗好耐。叫咗個晚市二人餐，可以叫兩個前菜再加兩個主菜，$538。一開頭嚟咗個忌廉湯，淡淡嘅香味，用黎startup 感覺非常好。香煎帶子，帶子煎到個火喉控制得好好。表面到黃金色！西班牙白毛豬，唔會話得個咸字，食到個豬d油香好正。烤法國鵪鶉，因為未試過所以想食下。雖然用比較少，但係肉質香嫩。食到停唔到口。最後叫咗個油甘魚海鮮鍋，一開頭以為係類似火鍋咁型態。出到嚟原來係一碟既，油甘魚係中間一舊再加啲海鮮貝類喺附近。