第三站

Station 3是一个聚会嘅好地点，位置方便，环境清雅之余，除咗有野食野饮之外，仲有board games俾客人玩，仲有独立VIP房，可以话无论系同闺密定系三五知己黎都好适合。今日同朋友黎食野倾计，所有套餐配一杯$34嘅饮品/补差额拣$34以上嘅野饮，加$30可以升级有沙律同甜品，价钱非常合理。我点咗黑松露带子鲜菌烩意大利饭($80)，一上黎已经见到满满嘅黑松露，食落去非常香，3款食材好夹，而且比我想像中嘅份量多好多。而饮品嘅选择真系多到眼花瞭乱，有特饮、咖啡、奶昔、乳酪、花茶等等，花茶仲列明咗功效，好贴心。今次我叫咗死神，系可乐加朱古力雪糕(+$11)。朋友点咗烟三文鱼野菌忌廉烩意粉($82)，三文鱼拼成花样，片片都好厚，creamy得黎又唔腻。香蕉朱古力(+$6)我地仲额外点咗特色拼盘($58)，有麦乐鸡、鸡翼、日式饺子、春卷、咖哩角、花枝丸、龙虾丸，炸得非常香口，系吹水嘅好伙伴。最后每人一款甜品，特浓朱古力蛋糕($25)，口感松化，啖啖香浓嘅朱古力味。蓝莓芝士蛋糕($25)，质感结实，层层分明，芝士味非常重。