潮州城酒樓

营业中

休息中

今日公司團建揀咗呢間酒樓，環境乾淨企理，枱面闊落，我地特別要求坐房，坐得好舒服～服務仲超貼心，部長同服務員有求必應，仲自動幫換碟，呢份服務態度必須畀 100 分💯開頭嘅點心陣容超豐富✨ 晶瑩鮮蝦餃、家鄉糯米卷、粉果、腐皮卷新鮮熱辣，餡料足料到滿瀉，咬落啖啖鮮味，足靚料～主菜更是驚喜連連🥳 椒鹽九肚魚微熱都仲脆啵啵，外脆內軟，骨都唔使吐；沙爹牛肉銀芽超惹味，牛肉入味、銀芽吸晒沙爹汁，食出健康版沙爹米粉 feel～水瓜烙煙韌金香，花生碎點綴得妙；芥菜蘿蔔排骨湯清甜潤喉，碧綠川椒雞球簡直是下飯神器🍚黃金伊麵部長推介加白糖同醋，個人覺得淨加白糖已經好正，記得控制份量唔好加多～甜品綠豆爽唔會太甜，入口清爽；鴛鴦水晶包紅豆 + 蓮蓉雙拼，兩個口味都超濃郁，食完仲有功夫茶清口腔甜膩，完美收尾🍵成餐飯款式多、味道穩、服務正，團建 / 家庭飯局揀呢度絕對冇得輸，下次一定再嚟！