美心西餅 (荔枝角站) (已結業)

早前出既杯裝聖誕西餅幾靚，比佢外表吸引左，一於買黎食啦。杯裝聖誕西餅（有最多野係面果舊）：好貴！成＄２ｘ一件，味道一般，內裡係ｔｉｒａｍｉｓｕ，ｃｒｅａｍ唔滑，質地略濕，外層既朱古力好硬，咬極都咬唔開，反而個底幾好食，係朱古力醬加上蛋糕，朱古力醬味道好濃，配合蛋糕食就唔錯。黑森林卷：滑滑既ｃｒｅａｍ夾雜住黑加倫子啫喱糖，加上軟熟既朱古力蛋糕同面頭既糖霜，味道好好，又唔會過甜。橙+朱古力味西餅：簡單既風味，但原來呢兩隻蛋糕加埋幾好味，質地依舊軟熟，面頭仲有餅碎同ｃｒｅａｍ，幾有咬口。