影片
更多
2024-12-30
366 浏览
今日聖誕節，老公話帶我去食火鍋同煲仔飯，滿足晒我兩個願望。餐廳係食台灣嘢，上年就去左尖沙咀店食，今年就黎左觀塘店。呢間餐廳空間好大，分兩邊廳，環境乾淨舒服。餐牌有好多選擇，樣樣都好想食，價錢亦係平民價。餐牌有招牌咖哩便當、二人豪華套餐、煲仔飯套餐同火鍋套餐，我哋就叫煲仔飯同火鍋套餐。煲仔飯套餐：套餐有煲仔飯、滷肉燙青菜、小食同指定飲品。我哋就叫豉汁排骨煲仔飯，豉汁同排骨滲晒去飯裡面，飯夠油香。煲仔飯煮嘅時間亦剛剛好，做到有飯焦底但唔會燶晒，味道夠焦香，咬落好脆，好有水準。滷肉燙青菜：青菜夠綠爽口，加左滷肉食落比較香，簡簡單單，夠味。炸花枝丸：剛炸起，好熱，入口彈牙，加埋沙律醬都幾好味。火鍋套餐：套餐係湯底價錢 + 時令菜盤 + 飲品 (+$10)，配料有幾款唔同價錢，可按自己想食嘅份量叫。湯底有5款選擇，我哋揀蕃茄昆布鍋湯底，湯底好甜，蕃茄味濃，仲加左洋蔥。配料有美國prime牛脊骨 (+$58)，雪花均勻；而澳洲黑安格斯牛肩肉 (+$48)就比較瘦，兩款牛味都濃。金牌台灣牛筋丸咬落爆汁，味道濃。蜂巢豆腐同台灣王子麵吸晒湯嘅精華，入味好食。時令菜盤份量都唔少，有椰菜、白蘿蔔、生菜同金菇
餐廳係食台灣嘢，上年就去左尖沙咀店食，今年就黎左觀塘店。呢間餐廳空間好大，分兩邊廳，環境乾淨舒服。餐牌有好多選擇，樣樣都好想食，價錢亦係平民價。餐牌有招牌咖哩便當、二人豪華套餐、煲仔飯套餐同火鍋套餐，我哋就叫煲仔飯同火鍋套餐。
煲仔飯套餐：套餐有煲仔飯、滷肉燙青菜、小食同指定飲品。我哋就叫豉汁排骨煲仔飯，豉汁同排骨滲晒去飯裡面，飯夠油香。煲仔飯煮嘅時間亦剛剛好，做到有飯焦底但唔會燶晒，味道夠焦香，咬落好脆，好有水準。
滷肉燙青菜：青菜夠綠爽口，加左滷肉食落比較香，簡簡單單，夠味。
炸花枝丸：剛炸起，好熱，入口彈牙，加埋沙律醬都幾好味。
火鍋套餐：套餐係湯底價錢 + 時令菜盤 + 飲品 (+$10)，配料有幾款唔同價錢，可按自己想食嘅份量叫。湯底有5款選擇，我哋揀蕃茄昆布鍋湯底，湯底好甜，蕃茄味濃，仲加左洋蔥。配料有美國prime牛脊骨 (+$58)，雪花均勻；而澳洲黑安格斯牛肩肉 (+$48)就比較瘦，兩款牛味都濃。金牌台灣牛筋丸咬落爆汁，味道濃。蜂巢豆腐同台灣王子麵吸晒湯嘅精華，入味好食。時令菜盤份量都唔少，有椰菜、白蘿蔔、生菜同金菇，全部都幾新鮮，幾好。
飲品：老公叫左凍抹茶拿鐵，佢話牛奶味較重，OK喎。我就叫左薑母茶，好夠薑味，甜甜地，夠暖身。
张贴
